Айыппұлдар туралы пайдалы ақпарат

Ақылы тұрақтар Алматы қаласы әкімдігінің бекітілген ережелеріне сәйкес жұмыс істейді. Тұрақ ақысы алдын-ала төленеді

Айыппұлды болдырмау үшін автокөлік жүргізушілеріне автотұрақ ақысын уақтылы төлеуді ұсынамыз

Көлік құралының иесіне келесі жағдайларда айыппұл салынуы мүмкін:

• Тұрақ ақысын төлемеу;
• Толық емес мөлшерде төлемдер.

Ақылы тұрақ үшін төлеуден жалтарғаны үшін айыппұл 1 АЕК құрайды)  (ҚР ӘҚБтК 597-бабы, 4-1 бөлігі).

Тұрақ аймақтарындағы бұзушылықтар фактілері Алматы қаласы ПД әкімшілік полиция басқармасына беріледі,   одан әрі іс-қимылдар Алматы қаласы полиция департаментінің құзыретіне жатады.

Әкімшілік айыппұлдардың болуын сайттан тексеруге болады qamqor.gov.kz және екінші деңгейдегі банктердің мобильді қосымшаларында.

Айыппұлдарды келесі жолдармен төлеуге болады:

• Қосымша egov.kz;
• Екінші деңгейдегі банктердің мобильді қосымшалары;
• Екінші деңгейдегі банктердің есеп айырысу-кассалық бөлімшелерінде.

Айыппұлды жоғарыда көрсетілген тәсілдермен төлеген кезде айыппұлды автоматты режимде төлеу туралы белгі дерекқорға түседі және азаматтарға ішкі істер органдарына түбіртек берудің қажеті жоқ.

ҚР ӘҚБтК-нің 893-бабына сәйкес айыппұл ұйғарым шығарылған күннен бастап 30 күннен кешіктірілмей төленуге тиіс. Айыппұлды уақтылы төлемеген жағдайда ҚР қолданыстағы әкімшілік заңнамасының нормаларына сәйкес мәжбүрлеу сипатындағы шаралар қабылданады.

Айыппұл төлеу қажеттілігі туралы нұсқамаға шағымдану үшін Алматы қаласы ПД әкімшілік полиция басқармасына жүгіну қажет.

Тұрақ ақысын төлемегені үшін айыппұлды қалай даулауға болады?

• Қашықтан:

eOtinish.kz сайтындағы «eOtinish» сервисі арқылы, сондай-ақ egov.kz; электрондық үкіметтің мобильді қосымшасы арқылы өтініш беруге болады.

• Жеке:

Алматы қаласы, Бостандық ауданы, Байсейітова көшесі, 40, н. п. 71, 11 кабинет. Жұмыс режимі: 09.00 - 18.00, түскі үзіліс 13.00-14.00.

Төленбеген тұрақ үшін айыппұлға шағымдануға арналған құжаттар

• Техникалық паспорт;
• Айыппұл төлеу қажеттілігі туралы нұсқама;
• Тұрақ ақысын растайтын түбіртектер (банк қосымшасынан үзінді көшірме, төлем туралы SMS скриншот, «Парковки Алматы» қосымшасынан төлем тарихының скриншоты, қолма-қол төлеген кезде терминалдан чек).

* егер өтініш беруші көлік құралының меншік иесі болып табылмаса-көлік құралын басқару құқығын растайтын құжат: сенімхат, КҚИ АҚЖҚ сақтандыру полюсі, жол парағы. Әкімшілік айыппұлдардың болуын сайттан тексеруге болады qamqor.gov.kz, сондай-ақ Екінші деңгейдегі банктердің мобильді қосымшаларында. Түбіртекте «хаттаманы қарау» функциясы бар (төменгі жолда орналасқан).

Назар аударыңыз! Жауап 15 жұмыс күні ішінде беріледі. Сізге хабарлама 1414 нөмірінен SMS арқылы жіберіледі. Танысу үшін сілтеме бойынша өту керек.