Құпиялылық саясаты

« Парковки Алматы » қосымшасының Құпиялылық саясаты (бұдан әрі – Саясат) «Парковки Алматы» қосымшасын (бұдан әрі – Қосымша) пайдалану барысында пайдаланушылар (бұдан әрі – Пайдаланушылар) беретін ақпаратқа қолданылады. Қосымшаның әкімшісі және иесі – Алматы қаласы Жол қозғалысы және жолаушылар көлігін ұйымдастыру басқармасының шаруашылық жүргізу құқығындағы "Алматы паркинг" коммуналдық мемлекеттік кәсіпорны (БСН: 220740000535), мекенжайы: Қазақстан Республикасы, 050060, Алматы қаласы, Байсейітова көшесі, 40, 71-нысан (бұдан әрі – Кәсіпорын). Кәсіпорын интернет желісінде Сіздің құпиялылығыңызды сақтауға міндеттенеді. Осы Құпиялылық саясаты Сіздің дербес деректеріңіздің қалай жиналатынын, өңделетінін және сақталатынын айқындайды. Кәсіпорын Пайдаланушылардың жеке ақпаратын қорғауға ерекше назар аударады. Қосымшаны пайдалану арқылы Пайдаланушы осы құжатта баяндалған деректерді жинау және пайдалану қағидаларына келісімін береді.

Жинақталатын ақпарат

Пайдаланушыны тіркеу кезінде Кәсіпорын Пайдаланушыдан келесі ақпаратты сұратады:

• телефон нөмірі.

Міндетті түрде ұсынылуы тиіс ақпарат арнайы белгілеулермен көрсетіледі, ал өзге ақпарат Пайдаланушының қалауы бойынша ұсынылады.

Қосымшаны пайдалану үшін құрылғы жадын пайдалануға, мобильді желі және GPS арқылы орналасқан жерді анықтауға, сондай-ақ интернет желісіне қол жеткізу қажет.

Осы Саясат тек Қосымшаға қолданылады. Кәсіпорын тарабы, Пайдаланушы Қосымшада орналастырылған үшінші тұлғалардың сілтемелері арқылы өтуі мүмкін сайттарын бақыламайды және олар үшін жауапты емес. Үшінші тұлғалардың өзге сайттарында Пайдаланушыдан басқа ақпарат жиналуы немесе сұратылуы, сондай-ақ Кәсіпорын жауап бермейтін өзге де әрекеттер жасалуы мүмкін.

Кәсіпорын Пайдаланушылар ұсынған ақпараттың дұрыстығын тексермейді және олардың әрекет қабілеттілігін бақыламайды. Сонымен бірге, Кәсіпорын Пайдаланушы өзі туралы шынайы және жеткілікті ақпарат береді және оны өзекті күйде ұстайды деп есептейді. Дұрыс емес ақпаратты ұсыну салдары Қазақстан Республикасының заңнамасында айқындалады.

Ақпаратты пайдалану

Төменде Пайдаланушының жеке ақпаратын пайдаланудың кейбір тәсілдері көрсетілген:

• ішкі есептілікті қалыптастыру үшін;
• Пайдаланушы сұратқан ақпарат пен қызметтерді ұсыну үшін;
• қызмет көрсету сапасын арттыру үшін;
• Қосымшаны және оның қызметтерін алаяқтық мақсатта немесе заңсыз пайдаланудың алдын алу және анықтау үшін;
• статистикалық деректерді қалыптастыру үшін.

Пайдаланушылардың ақпаратын қорғау

Кәсіпорын Пайдаланушылардың ақпаратын үшінші тұлғалардың заңсыз немесе кездейсоқ қол жеткізуінен, жоюынан, өзгертуінен, бұғаттауынан, көшіруінен, таратуынан, сондай-ақ өзге де заңсыз әрекеттерінен қорғау үшін қажетті және жеткілікті ұйымдастырушылық әрі техникалық шараларды қабылдауды қамтамасыз етеді.

Ақпаратты жария ету

Кәсіпорын Пайдаланушының жеке деректерін сатпайды және Пайдаланушының келісімінсіз үшінші тұлғаларға бермейді.

Пайдаланушының жеке ақпаратын беру мынадай жағдайларда мүмкін:

• Пайдаланушының рұқсатымен, үшінші тұлғаларға кедергісіз қызмет көрсетуі үшін;
• арнайы қызмет органдарының талап етуі бойынша немесе заңнамада көзделген жағдайларда.

Өзге ақпарат

Кез келген жастағы балалар осы Қосымшаны еш кедергісіз пайдалана алады.

Егер Сіз осы Құпиялылық саясатының шарттарымен келіспесеңіз, Қосымшаны пайдаланбауыңызды сұраймыз.