Айыппұлдар туралы пайдалы ақпарат

Ақылы тұрақтар Алматы қаласы әкімдігінің бекітілген ережелеріне сәйкес жұмыс істейді. Тұрақ ақысы алдын-ала төленген кезде төленеді. 15 минут ішінде жеңілдетілген тұрақ кезеңі бар.

Көлік құралының иесіне келесі жағдайларда айыппұл салынуы мүмкін:

• Тұрақ ақысын төлемеу;
• Төлемді толық төлемеу;
• Ақылы тұрақ аумағында көліктердің тоқтау немесе орынға қою ережелерінің бұзылуы;
• Ақылы тұрақ аумағында жол сызықтарымен көрсетілген талаптарды сақтамау.

Ақылы тұраққа төлеуден жалтарғаны үшін айыппұл 3 АЕК құрайды (ҚР ӘҚБтК 597-бабы, 4-1-б.).

Тұрақ аймақтарындағы бұзушылық фактілері Алматы қаласы ПД Әкімшілік полиция басқармасына беріледі, одан кейінгі іс-әрекеттер Әкімшілік полиция басқармасының құзыретіне жатады

Әкімшілік айыппұлдардың бар-жоғын qamqor.gov.kz сайтынан және ЕДБ мобильді қосымшаларынан тексеруге болады.

Айыппұлдарды төлеу тәсілдері:

• egov.kz қосымшасы;
• ЕДБ мобильді қосымшасы;
• Екінші деңгейдегі банктердің есеп айырысу-кассалық бөлімшелерінде.

Айыппұлды жоғарыда көрсетілген тәсілдермен төлеген кезде айыппұлды автоматты режимде төлеу туралы белгі дерекқорға түседі және азаматтардың ішкі істер органдарына түбіртек беруі қажет емес.

ҚР ӘҚБтК 893-бабына сәйкес айыппұл ұйғарым шығарылған күннен бастап 30 күннен кешіктірілмей төленуі тиіс. Айыппұлды уақтылы төлемеген жағдайда ҚР қолданыстағы әкімшілік заңнамасының нормаларына сәйкес мәжбүрлеу сипатындағы шаралар қолданылады.

ӘҚБтК 811-бабының 1-бөлігіне сәйкес нұсқама тиісінше жеткізілген сәттен бастап жеті тәулік ішінде көрсетілген айыппұл сомасының елу пайызы мөлшерінде айыппұл төлеу құқығы көзделген.

Ұйғарымға шағым, наразылық ӘҚБтК 817-бабында көзделген мерзім өткеннен кейін он тәулік ішінде берілуі мүмкін.