Жеңілдікті санаттағы азаматтар

Алматы қаласының Коммуналдық ақылы автотұрақтарын (автотұрақтарды, паркингтерді) пайдалану ережелерінің 4-тарауына сәйкес тұрақ рұқсатын ресімдеу кезінде ақылы тұрақ аймағының шекараларында көлік құралдарын тегін тұраққа қою құқығына жеңілдікті санаттағы мынандай азаматтар ие:

1. Ұлы Отан соғысының қатысушылары, мүгедектері және оларға теңестірілгендер, басқа мемлекеттердің аумағындағы соғыс қимылдарының ардагерлері
2. I және II топтағы мүгедектер, мүгедектігі бар баланың (18 жасқа дейінгі) заңды өкілдері;
3. «Алтын Алқа» және «Күміс Алқа» алқаларымен марапатталған, бұрын «Батыр ана» атағын алған, сондай-ақ I және II дәрежелі «Ана даңқы» ордендерімен марапатталған көп балалы аналар;
4. Семей ядролық сынақ полигонындағы ядролық сынақтардың салдарынан зардап шеккендер;
5. Тікелей қызметтік міндеттерін орындау кезінде қызметтік мемлекеттік нөмірлік белгілермен және көк, қызыл түсті маяктармен жанатын және арнайы дыбыс сигналдармен жабдықталған арнайы автокөлік жүргізушілері;
6. Электрмобиль иесі.

«Ұлы Отан соғысының ардагерлері» жеңілдік санатын растау үшін келесі құжаттарды ұсыну қажет:

• Өтінішті үлгіні сайттан жүктеп алыңыз;
• Меншік иесінің көлік құралын мемлекеттік тіркеу куәлігі (техникалық паспорт);
• ХҚКО-дан жеңілдік санатын растау туралы анықтама немесе «Әлеуметтік ID» құжаты.

«I және II топтағы мүгедектер, мүгедектігі бар баланың (18 жасқа дейінгі) заңды өкілдері» жеңілдік санатын растау үшін мынадай құжаттарды ұсынуы қажет:

• Өтінішті үлгіні сайттан жүктеп алыңыз;
• Меншік иесінің көлік құралын мемлекеттік тіркеу куәлігі (техникалық паспорт);
• Адамның мүгедектігін растайтын құжат (мүгедектігі туралы анықтама немесе «Әлеуметтік ID» құжаты);
• Мүгедектігі бар адамға қорғаншылықты растайтын құжат.
Мүгедек баланың заңды өкілдері немесе балаға қамқоршы қосымша мынадай құжаттарды қоса береді:

• Баланың туу туралы куәлігі;
• Қамқоршылықты растайтын құжат;
• Неке қию туралы куәлік.

Бұрын «Батыр ана» атағын алған, сондай-ақ I және II дәрежелі «Ана даңқы» ордендерімен марапатталған «Алтын Алқа» және «Күміс Алқа» алқаларымен марапатталған көп балалы аналар» жеңілдік санатын растау үшін мынадай құжаттарды ұсыну қажет:

• Өтінішті үлгіні сайттан жүктеп алыңыз;
• Меншік иесінің көлік құралын мемлекеттік тіркеу куәлігі (техникалық паспорт);
• «Алтын Алқа», «Күміс Алқа», I және II дәрежелі «Ана даңқы», «Батыр Ана» куәлігі.

«Семей ядролық полигонындағы сынақтардан зардап шеккен адамдар» жеңілдік санатын растау үшін мынадай құжаттарды ұсыну қажет:

• Өтінішті үлгіні сайттан жүктеп алыңыз;
• Меншік иесінің көлік құралын мемлекеттік тіркеу куәлігі (техникалық паспорт);
• Уәкілетті орган берген белгіленген үлгідегі растайтын құжат.

«Тікелей қызметтік міндеттерін орындау кезінде қызметтік мемлекеттік нөмірлік белгілермен және көк, қызыл түсті маяктармен жанатын және арнайы дыбыс сигналдармен жабдықталған арнайы автокөлік жүргізушілері» жеңілдік санатын растау үшін мынадай құжаттарды ұсыну қажет:

• Өтінішті үлгіні сайттан жүктеп алыңыз;
• Меншік иесінің көлік құралын мемлекеттік тіркеу куәлігі (техникалық паспорт);
• Тікелей қызметтік міндеттердің орындалғанын растайтын құжат.

«Электромобиль иесі» қатысушысының жеңілдік санатын растау үшін келесі құжаттарды ұсыну қажет:

• Өтінішті үлгіні сайттан жүктеп алыңыз;
• Меншік иесінің көлік құралын мемлекеттік тіркеу куәлігі (техникалық паспорт);
• Заңды тұлғаны мемлекеттік тіркеу туралы анықтама (заңды тұлғалар үшін).