CALL CENTER:
+7 (727) 390-8000
KZ
RU
Сұрақтарыңыз бар ма? Жауаптары осында
Сұрағыңызға жауап таба алмадыңыз ба? info@almaty-parking.kz электрондық поштасына жіберіңіз
Тұрақ ақысын төлеудің қандай жолдары бар?
  • «Алматы тұрақтары» мобильді қосымша. Сіз PlayMarket және Apple Store дүкендерінен жүктей аласыз
  • Төлеу almaty-parking.kz сайтында
  • Қосымша Kaspi.kz
  • Kassa24
  • SMS төлем

Тұрақ тарифі ақпараттық белгілермен жабдықталған орындарда сағатына 100 теңгені құрайды. Әкімдіктің «Алматы қаласының коммуналдық ақылы автотұрақтарында сараланған тариф белгілеу туралы» қаулысына сәйкес төмендегі көшелердегі тариф құны 150 теңге:

Жібек-жолы даңғылы: Пушкин көшесінен Қалдаяқов көшесіне дейін (тұрақ аймағы 6547);

Зенков көшесі: Жібек-жолы көшесінен Гоголь көшесіне дейін (тұрақ аймағы 6547);

Достық көшесі: Жібек-жолы көшесінен Гоголь көшесіне дейін (тұрақ аймағы 6547);

Зенков көшесі: Мақатаев көшесінен Жібек-жолы көшесіне дейін (тұрақ аймағы 6547);

Пушкин көшесінің шығыс жағы: Мақатаев көшесінен Жібек-жолы көшесіне дейін (тұрақ аймағы 6547).

Ақша тұрақ сессиясы басталғанға дейін алдын-ала төленеді.

Тұрақтың жұмыс уақыты қандай?

Ақылы тұрақтардың жұмыс уақыты: күн сайын таңғы 8.00-ден кешкі 19.00-ге дейін. 


Қосымшадағы жеке шотты қалай толтыруға болады?
    Қосымшадағы дербес шотты толтыру үшін:
  • Алматы Тұрақтар қосымшасына кіріңіз
  • Экранның жоғарғы жағында + пернесін басыңыз
  • Қосымшада балансты толтырудың қажетті сомасын енгізіңіз
  • "Банк картасын" таңдаңыз
  • "Толықтыру" түймесін басыңыз
  • Егер сіз картаны қосымшаға байланыстырғыңыз келсе, «Сақтау» түймесін басыңыз"
  • Карта деректерін енгізіңіз
  • "Төлеу" дегенді басыңыз
Тұрақ ақысын минутына қалай төлеуге болады?

«Алматы автотұрақтары» мобильдік қосымшасы арқылы тұрақ ақысын төлеген кезде тарифтеу минут сайын жүргізіледі, яғни, егер тұрағыңыздың уақыты мерзімінен бұрын аяқталса, онда тұрақтың пайдаланылмаған уақыты үшін төленген төлем дербес шотыңызға қайтарылады және келесі тұрақ сессияларын төлеу үшін пайдаланылуы мүмкін.

Тұрақ ақылы екенін қалай білуге болады?

Ақылы тұрақтың негізгі белгісі – 5.15 – «Тұрақ орны» және 7.8 – «Ақылы қызметтер» белгілерінің қосындысы. Сондай-ақ, әр тұрақ аймағында барлық қажетті ақпарат көрсетілген ақпараттық тақта бар. Тақтаның жоғарғы жағында тұрақ аймағының нөмірі жазылған. Нөмір бүкіл тұрақ аймағы үшін бірыңғай және тұраққа ақы төлеу кезінде көрсетіледі.

Бұл сандар нені білдіреді: 1 0 0 4?

Бұл сандар тұрақ аймақтарын білдіреді.

Бірінші сан алфавит бойынша ауданды білдіреді:

1-Алатау ауданы

2-Алмалы ауданы

3-Әуезов ауданы

4-Бостандық ауданы

5-Жетісу ауданы

6-Медеу ауданы

7-Наурызбай ауданы

8-Түрксіб ауданы

Екінші сан резервтік, тұрақ аймақтарын ұлғайту кезінде қолданылады.

Соңғы екі сан учаскелердің кадастрлық нөмірлерін білдіреді.



Қанша уақыт тегін тұруға болады?

Ережелерге сәйкес, ақылы тұрақтарда көлікке жолаушыларды отырғызу/түсіру үшін 15 мин. кем емес қысқа уақытты тоқтауға рұқсат етіледі.

Бір аймақ үшін төлеп, екінші аймаққа тұраққа қоюға бола ма?

Жоқ, төлем кезінде өзіңіз тұрған аймақтың нөмірін көрсетуіңіз керек. Әйтпесе, Сізге әкімшілік айыппұл салынады.

Шетелдік нөмірлермен тұрақ ақысын қалай төлеуге болады?

Тұрақ үшін төлем әдістері:

Kaspi.kz. қолданбасы.

 "Төлемдер" бөлімі. Өрістерді толтыру кезінде автомобиль нөмірін "Мемлекеттік нөмір" бағанына толық енгізу қажет. 

Қолданба қазақстандық және шетелдік нөмірлерді бірдей оқиды.

"Алматы автотұрақтары" мобильді қолданбасы және almaty-parking.kz сайтында "Арнайы нөмір" бағанын таңдау.

 Нөмірді, серияны және аймақты көрсету.

Ақылы тұрақтардан ақша қайда кетеді?

Төлемдерден түскен ақшалай қаражат қала бюджетіне түседі және "Халық қатысатын бюджет" бағдарламасы бойынша абаттандыруға аудандық әкімдіктерге бөлінеді.

Неліктен жабық көп қабатты паркингтер салынбайды?

Қалада көп деңгейлі автотұрақтар салу бойынша пилоттық жоба жасалып жатыр, қазіргі уақытта жобаны іске асыру үшін қажетті техникалық тапсырмаларды әзірлеу жөніндегі жұмыстар жүргізілуде.

Тұрақ ақысы алдын ала төлене ме, әлде кейін төлене бе?

Тұрақ ақысын төлеу жүйесі міндетті түрде тек алдын-ала төлеу болып табылады. Уақыт санағы көлік тұрақ аймағында тоқтаған сәттен басталады. Тұрақ ақысын алғашқы 15 минут ішінде төлеу керек.

Тегін қанша уақыт тұруға болады?

Ережеге сәйкес, ақылы тұрақ аумағында жолаушыларды отырғызу/түсіру үшін көлік құралдарын 15 минуттан аспайтын уақытқа қысқа мерзімге тоқтатуға жол беріледі


Неліктен сағат 8.00-ден 19.00-ге дейін ақы алу туралы шешім қабылданды?

Қаладағы негізгі көлік трафигі таңғы 8.00 – ден 19.00-ге дейінгі аралықта тіркелді, ал ақылы тұрақ - бұл қаланың қарбалас аудандарындағы трафикті реттеудің бір әдісі.

Егер сіз тұрақ ақысын төлемесеңіз не болады?

Ақылы тұрақ үшін төлеуден жалтарғаны үшін айыппұл 3 АЕК құрайды (ҚР ӘҚБтК 597-бабы, 4-1-Б.).

Бір жыл ішінде қайталап бұзушылық 5 АЕК мөлшерінде айыппұл салуға әкеп соғады

Тұраққа қою ережесін бұзғаны үшін салынған айыппұл қанша мерзімде төленуі керек? Егер ол төленбесе не болады?

ҚР ӘҚБтК 893-бабына сәйкес айыппұл ұйғарым шығарылған күннен бастап 30 күннен кешіктірілмей төленуі тиіс.  ҚР ӘҚБтК сәйкес айыппұл уақтылы төленбеген жағдайда, айыппұл төлеу қажеттігі туралы ұйғарым айыппұл салу туралы қаулыны немесе айыппұл төлеу қажеттілігі туралы ұйғарымды ерікті түрде орындау мерзімі өткеннен кейін он күн ішінде "Атқарушылық іс жүргізу және сот орындаушыларының мәртебесі туралы" Қазақстан Республикасының Заңында белгіленген тәртіппен  мемлекеттік сот орындаушыларына, жеке сот орындаушыларының өңірлік палаталарына мәжбүрлеп орындауға жіберіледі.

Тұрақтағы бұзушылықтар қалай тіркеледі?

Ақылы автотұрақ аймақтары сертификатталған фото және видео түсіру құрылғылары бар мамандандырылған көлік құралдары күзетеді. Түсіру үшін бағдарламалық-аппараттық кешендер қолданылады.

Тұрақ аймақтарындағы бұзушылық фактілері Алматы қаласы ПД Әкімшілік полиция басқармасына беріледі, одан кейінгі іс-әрекеттер Әкімшілік полиция басқармасының құзыретіне жатады


Менің көлігім сызылып қалса немесе ұрланса не істеуім керек?

Автотұрақ автомобильдерді сақтау орны емес, "Алматы паркинг" ШЖҚ МКК көлік құралдарының сақталуына жауапты емес. Жалпы әлемдік тәжірибеге сәйкес, ашық типтегі ақылы көше тұрақтары тұжырымдамасы тұрақта тұрған көлікті күзетуді көздемейді.

Автотұрақ аумағындағы форс-мажорлық жағдайлар ҚР қолданыстағы заңнамасына сәйкес шешіледі.

Автотұрақтың жеңілдік санатының ақысын қалай алуға болады?

Жеңілдікті санаттарға жататын тұлғалардың тізбесі және жеңілдіктерді ресімдеуге арналған онлайн-өтініш "Жеңілдіктер" бөлімінде орналастырылған.

Жеңілдік алу үшін көлік құралы техникалық паспорты бойынша өтініш беруші-жеңілдік алушының атына тіркелуі қажет. Мүгедек баланың ата-анасы немесе заңды өкілдері осыған жатады

Егер сіз айыппұлмен келіспесеңіз?

Егер сіз уәкілетті орган қойған айыппұлмен келіспесеңіз, онда сіз өзіңіздің көлігіңіздің тұрақ уақыты мен сіз жасаған төлем сомасы туралы деректерді сұратуға және тексеруге құқылысыз. 

Ол үшін Сізге келесі құжаттардың көшірмелері қажет:

  1. Көлік құралын мемлекеттік тіркеу туралы куәліктің көшірмесі;
  2. Өтініш берушінің жеке куәлігінің көшірмесі;
  3. Айыппұл төлеу қажеттілігі туралы ұйғарымның көшірмесі;
  4. Төлемді растайтын құжаттың көшірмесі;
  5. Сақтандыру полисінің көшірмесі (егер өтініш беруші көлік құралының иесі болмаса);

Сұратылған деректер 15 күнтізбелік күн ішінде ұсынылады.  Негіздер болған кезде, Тұрақ операторы әкімшілік құқық бұзушылық туралы іс бойынша іс жүргізуді тоқтату туралы ұсыным хатпен уәкілетті органға жүгінуге құқылы.

Тұрақ не себепті ақылы болады?

  1.  Алматы қаласының ерекше мәртебесi туралы Қазақстан Республикасының 1998 жылғы 1 шiлдедегi N 258 Заңы.
  2. Алматы қаласы әкімдігінің 2011 жылғы 14 қарашадағы N 4/975 қаулысы Алматы қаласының ақылы автотұрақтарын (автомобиль қоятын орындары) ұйымдастыру ережелерін бекіту туралы
  3. Алматы қаласы әкімдігінің 2016 жылғы 11 тамыздағы № 3/375 қаулысы;«Алматы қаласының көлік құралдарын орынтұраққа қойғаны үшін ақы алуға және олардың орынтұрақта тұрған уақытын есептеуге арналған сертификатталған арнайы құрылғылармен жабдықталған орындарда тарифті белгілеу туралы»
  4. Қазақстан Республикасының Кодексі 2014 жылғы 5 шілдедегі № 235-V ҚРЗ "Әкімшілік құқық бұзушылық туралы"
  5. Қазақстан Республикасының Заңы 2014 жылғы 17 сәуірдегі № 194-V ҚРЗ "Жол жүрісі туралы"
  6. Қазақстан Республикасының 2003 жылғы 20 маусымдағы N 442 Кодексі "Қазақстан Республикасының Жер кодексі"
  7. Алматы қаласы әкімдігінің 2023 жылғы 28 ақпандағы № 1/126 қаулысы "Алматы қаласындағы автотұрақтардың (паркингтердің) санаттарын анықтау қағидаларын бекіту туралы"
Автотұрақ құны қанша?

Бекітілген тарифке сәйкес тұрақ құны сағатына 100 теңгені құрайды.

Әкімдіктің "Алматы қаласының коммуналдық ақылы автотұрақтарында сараланған тариф белгілеу туралы" қаулысына сәйкес келесі көшелер бойынша 150 теңге тарифі:

Жібек жолы даңғылы: Пушкин көшесінен Қалдаяқов көшесіне дейін (тұрақ аймағы 6547);

Зенков көшесі: Жібек жолы көшесінен Гоголь көшесіне дейін (тұрақ аймағы 6547);

Достық көшесі: Жібек жолы көшесінен Гоголь көшесіне дейін (тұрақ аймағы 6547);

Зенков көшесі: Мақатаев көшесінен Жібек жолы көшесіне дейін (тұрақ аймағы 6547);

Пушкин көшесінің шығыс жағы: Мақатаев көшесінен Жібек жолы көшесіне дейін (тұрақ аймағы 6547).

Тротуар түріндегі автотұрақтарға арналған төлем түрі: автокөлікті тұраққа қойғаннан кейін 15 минут ішінде төленетін алдын ала төлем..
Автотұрақ үшін мүлдем төлемеу мүмкін бе?

Болады, бірақ көлігіңізді сағат 19.00-ден кейін 8.00-ге дейін қалдырсаңыз. Сондай-ақ алдын ала 7:30-да төлем жасауға болады, мысалы, 100 теңге, бұл тұрақпен 7:30-дан 9:00-ге дейін пайдалануға мүмкіндік береді. Яғни, жүйе автоматты түрде ақшаны төленген мерзімге аударады.

Автотұрақ үшін қашан төлеу керек: бұрын немесе кейін?

Тұрақ жұмысының регламентіне сәйкес тұрақ үшін төлем алғашқы 15 минутта жасалады. Түсініспеушіліктерді болдырмау үшін көлікті тастамас бұрын тұрақ ақысын төлеңіз. Осылайша сіз автотұрақта болған уақытқа дұрыс төлегеніңізге сенімді бола аласыз. Уақытты дұрыс есептемеу салдарынан жеткізбей төлеу нәтижесінде салынған айыппұлдар жойылуға жатпайды.

ҰОС мүгедектері мен қатысушыларына және оларға теңестірілген адамдарға қандай жеңілдіктер қарастырылған?

Мүгедектер кез келген уақытта "Мүгедек" таным белгісі бар өз көлік құралдарын тиісті сызықтармен, ақпараттық көрсеткіштермен немесе жол белгілерімен таңбаланып, мүгедектер үшін арнайы бөлінген орындар мен тұрақтарға тегін қоюға құқылы.

Бұдан басқа, коммуналдық ақылы авто орындарда (автотұрақтарда, паркингтерде) тегін тұрақ орындарын тиісті растайтын құжат негізінде (пайдаланушы ұйымнан жеңілдіктер тиісінше ресімделген жағдайда) көлік құралдарының мынадай меншік иелері пайдаланады:

  1. - Ұлы Отан соғысының қатысушылары, мүгедектері және оларға теңестірілген адамдар, басқа мемлекеттердің аумағындағы соғыс қимылдарының ардагерлері;
  2. - I және II топтағы мүгедектер, мүгедек баланың заңды өкілдері;
  3. - "Алтын Алқа" және "Күміс Алқа" алқаларымен марапатталған, бұрын "Батыр ана" атағын алған, сондай-ақ I және II дәрежелі "Ана даңқы" ордендерімен марапатталған көп балалы аналар;
  4. - Семей ядролық сынақ полигонындағы ядролық сынақтардың салдарынан зардап шеккен адамдар.

Жоғарыда көрсетілген санаттағы азаматтардың тротуар үлгісіндегі автотұрақтарға жеңілдікті тұрақ рұқсатын ресімдеу үшін сілтеме бойынша өтіп, келесі құжаттардың көшірмелерін тіркеу қажет:

  • I және II топтағы мүгедектерге:
    1. - өтініш берушінің жеке куәлігі;
    2. - өтініш берушінің меншігіндегі көлік құралын тіркеу туралы куәлік;
    3. - мүгедектік туралы анықтама;
    4. - баланың туу туралы куәлігі (егер мүгедек бала болса);
    5. - қамқоршының куәлігі (егер мүгедек бала болса);
    6.  -толтырылған өтініш (бланк үлгісін сілтеме арқылы жүктеуге болады).
    7.  -мүгедектігі бар баланың заңды өкілдері, егер көлік құралы ерлі-зайыптылардың біріне ресімделген болса, неке туралы куәлікті және көлікті сақтандыру полисін қоса береді.
  • Ұлы Отан соғысының қатысушыларына, мүгедектеріне және оларға теңестірілген адамдарға:
    1. - өтініш берушінің жеке куәлігі;
    2. - өтініш берушінің меншігіндегі көлік құралын тіркеу туралы куәлік;
    3. - жеңілдіктер алу құқығын растайтын құжат.
Неліктен жаңа тұрақ аймақтарының іске қосылуы туралы ескертілмейді?

Ақылы тұрақ аландарының ашылуы туралы ақпарат бұқаралық ақпарат құралдарында және Instagram және Telegram. ресми беттерінде үнемі жарияланып отырады. Тікелей ақылы тұрақ орнында аймақ нөмірі мен төлем шарттары көрсетілген ақпараттық белгілер орнатылады.

Сұрақтар мен ұсыныстарды қайда жіберуге болады?

Сұрақтар мен ұсыныстарды: 

- бірыңғай байланыс орталығына: +7 (727) 3908000;

- мекенжайға: Алматы қ., Байсейітова к-сі 40 нп 71;

- электрондық мекенжайға: info@almaty-parking.kz 

Паркинг пен тұрақтың айырмашылығы неде?

Паркинг - бұл сөйлеу тілінде салыстырмалы түрде жақында қалыптасқан ұғым. 

Шындығында, тұрақ, авторын және паркинг арасында ешқандай айырмашылық жоқ.

Заңсыз "кеудешелерге" қайда шағымдануға болады?
    Осы мәселе бойынша сіз әрқашан төменде көрсетілген байланыстар бойынша "Алматы паркинг" ШЖҚ КМК бірыңғай байланыс орталығына жүгіне аласыз:
  • Байланыс орталығы +7 (727) 3908000
  • Мекен-жайы: Байсейітова 40
  • Электрондық пошта info@almaty-parking.kz

    Тұрақ үшін заңсыз төлемдер туралы фактісін растау үшін фото немесе бейне материалдарды ұсыну қажет. Бұл ақпарат қаралып, Алматы қаласының полициясына жіберіледі.
Автокөліктің 15 минуттан астам тұрғаны қалай тіркеледі және жүргізуші айыппұл салынған жағдайда тұрақтағы уақытын қалай дәлелдей алады?

Ақылы автотұрақ аймақтары сертификатталған фото және видео түсіру құрылғылары бар мамандандырылған көлік құралдары күзетеді. Түсіру үшін бағдарламалық-аппараттық кешендер қолданылады.

Жұмыс принципі: кешен автокөлік нөмірін таниды және тіркейді, нақты орны мен уақытын анықтайды, тіркелген деректер ұялы байланыс модульдері арқылы өңдеу орталығына жіберіледі, онда алынған мәліметтер негізінде төлем фактісі автоматты түрде тексеріледі. Төленбеген жағдайда мәліметтер ӘҚБТ-ға (Әкімшілік құқық бұзушылықтардың бірыңғай тізілімі) беріледі